Nzou yakaona nyuchi ichichema pamaruva. Yakabvunza nyuchi, ‘Uri kumbochemei?’
Nyuchi ikati ‘Ndinotya mhuka, asi handitye nzou. Handisi kugona kuenda kumba ndiri ndega.’
Zvikanzi nenzou, ‘Rega ndikubatsire kuwana imba yako. Tarisa pamusoro apo, pamuti, haisi imba yako here?’
Zvikanzi nenyuchi, ‘AIWA! NDIDZIKISE IZVOZVI. SHIRI YAVA KUDZOKA!’
‘Ndine urombo. Tarisa mubako iri. Imba yako irimo here?’
Zvikanzi nenyuchi, ‘AIWA. MHANYA SHA! CHIREMWAREMWA CHAVA KUDZOKA!’
Zvikanzi nenzou, ‘Tarisa mukoko uyo mudenga. Hapasi pamba pako here?’
Nyuchi ikati, ‘Hongu. Ndipo pamba pangu.’
‘Ndidzikise pano pane dzimwe nyuchi.’
Nzou ikati, ‘horaiti chidzika zvako.’
‘Wandibatsira nhasi, saka waita basa zvako.’
Kuitira vamwe zvakanaka hakudhure, saka zviri nani kubatsira vanhu.💡- Nyuchi neNzou🫂
‘Nyuchi inotya’ is a story by Mukudzeishe Machuwe, with guidance from Shungu C. Chidovi under the ZimbOriginal 1-on-1 Shona for Kids Program, with illustrations by Try Samphos, published by Room to Read (© Room to Read, 2015) under a CC BY 4.0 license on StoryWeaver.
